අංගමුව යාය 06 මහා විද්‍යාලයේ පරිගණක ඉගෙනුම් මධ්‍යස්ථානය තඹුත්තේගම අධ්‍යාපන කලාපයේ, රාජාංගන අධ්‍යාපන කොට්ඨාසයේ ආරම්භ කළ  ප්‍රථම පරිගණක මධ්‍යස්ථානය වේ. මෙය පාසල් ප්‍රජාවට මෙන්ම ග්‍රාමීය ප්‍රජාවටද තොරතුරු තාක්ෂණ දැනුම වැඩි දියුණු කර ගැනීමට ලැබුණු මහඟු සම්පතකි.
2005/29 චක්‍රලේඛයට  අනුව 2005 වර්ෂයේ  සිට සති අන්තයේදී හා පාසල් කාලයෙන් පසුව පැවැත්වෙන විවිධ සහතිකපත්‍ර පාඨමාලා සඳහා පංති පැවැත්වීම ඇරඹිණි. පරිගණක මධ්‍යස්ථානයේ විදුලි බිල මෙන්ම වෙනත් බොහෝ වියදම් සඳහා ගෙවීම්ද මෙම අමතර පංති වලින් ලැබෙන ආදායමෙන් සිදුකෙරේ‍.
ද්වීතියික අධ්‍යාපන නවීකරණ ව්‍යාපෘතියේ ව්‍යාපෘති හිටපු කළමණාකාර ජී.එච්.පී. විජේසේකර මහතා සහ තඹුත්තේගම කලාප අධ්‍යාපන කාර්යාලයේ හිටපු තොරතුරු තාක්ෂණ නිලධාරි සහ සහකාර අධ්‍යාපන අධ්‍යක්ෂ පී.ඩී.පී.රෝහණ මහතාගේ මඟ පෙන්වීම යටතේ මෙම පරිගණක ඉගෙනුම් මධ්‍යස්ථානය ක්‍රමවත්ව පවත්වාගෙන යනු ලැබේ. වර්තමානයේදී තොරතුරු තාක්ෂණ නිලධාරි සහ සහකාර අධ්‍යාපන අධ්‍යක්ෂ ලීනා විජේසූරිය මහත්මියගේ මඟපෙන්වීම ප්‍රසංසාත්මකව සිහිපත් කළ යුතුය.
පරිගණක නිසි අයුරින් නඩත්තු කිරීම සදහා වගකීම් කාලය අවසන් වීමෙන් පසු පරිගණක දෘඩාංග හා ජාලගත විසදුම් කණ්ඩායමක් පාසල් සිසුන් සම්බන්ධ කරගෙන ආරම්භ කර ඇති අතර මනා ක්‍රියාකාරීත්වයකින් යුතුව මධ්‍යස්ථානය පවත්වාගෙන යාමට එය ඉතාමත් හොඳ අත්වැලකි.

2009 ජාතික තොරතුරු තාක්ෂණ විශිෂ්ඨතා සම්මාන ප්‍රදානයේදී උතුරුමැද පළාතේ A කාණ්ඩය යටතේ ප්‍රථම ස්ථානය අප පාසල විසින් හිමිකර ගැනීමද අප ලද ජයග්‍රහණයකි.